Astekaria

Espazio honetan klase praktikoetan egiten dugun jardueren berri emango dut eta jarraian, horren hasnarketa eta gogoeta ikusgai izango da!

2014ko urriaren 29a

Web 2.0 eta beste kontzeptu batzuk

Gaur, lehenengo eguna izan da eta IKT-ekin jolasten hasteko jarudera ezberdinak egin ditugu. Hasteko, web 2.0 kontzeptua ezagutzen hasi gara. gaur egun guztion hitzetan dagoen kontzeptua da web 2.0 eta zer den argi geratzea oso garrantzitsua da. Jakin badakigu internet egunerokotasunean oso sartuta dagoela; baina, badakigu zer den web 2.0?

Web 2.0-an, edozein erabiltzaile informazioa sortzeko eta kompartitzeko aukera dauka. Lankidetzan eta komunikazioan oinarritzen den espazioa da eta horregatik, dinamikoa dela esan dezakegu. Lehen esan bezala, web 2.0 egunerokotasunean eragain handia du eta aldaketa honen adibide nagusiena sare sozialetan zentratzen da. Espazio hauetan edonork konpartitu dezake bere bizipenak, mugarik gabe. Gainera, web 2.0 hain dinamiko izatea informazioa edonondik edonora eta edonori bidaltzeko ahalmena dago.

Horretaz aparte, ordenagailuak barrutik nola dauden osatuta ikasi dugu. Nahiz eta egunero erabiltzen dugun gauza izan, askotan ez dakigu zeren aurrean dauden eta gaurko klasean horri buruz egon gara hizketan. Software eta hardware-ak desberdindu ditugu eta aplikazio ezberdinei buruzko aipamenak ere egin ditugu. Baina ez gara bakarrik teorian zentratu, baizik eta praktikan; hau da, nola erabil ditzakegun aplikazio hauek gure ordenagailuetan.

Bukatzeko, bloga-sortu dugu! Gaur egun internetek ematen dizkigun aukerak, gure eskolan sartzen ikasi behar dugu. Teknologia aurrera egiten ari da etengabe eta gure bizitzak pixkanaka-pixkanaka horren menpe geratzen ari da. Hezkuntza arloan ez gara atzean geratu behar eta horregatik irakasleek prestakuntza ona eduki behar dute.

2014ko azaroaren 5a

Web 2.0 eta google-en aplikazio berriak

Gaur, web 2.0 dakarren eraginak komentatzen ibili gara; hau da, egunerokotasunean, gizarte maian eta hezkunzta arloan nola eragiten duen web 2.0 kontzeptuak. 

Web 2.0 baino lehengo internet-a HTML sistemaren bidez funtzionatzen zuen. Gaurko web-a alegia (web 2.0), XML formatuan oinarritzen da. Azken honek, erraztasun handiagoak ematen dizkigu datuak esportatzeko. Gainera, argazkiak, bideoak eta beste hainbat gauza partekatzeko aukera dagu, gu geu, erabiltzaileok, arduradun izanda. 

Web 2.0 gizarte arlora eramaten badugu, globalizazioaren arrazoietako bat dela esan genezake; izan ere, komunikatzeko tresna erraza bihurtu da eta informazioa eman eta jasotzeko bide oso baliagarria da. Gainera, etengabe konektatuta egoteko aukera dugu, tablet, smartphone ... eta horrelako gailuak baditugu, bere tamaina eskasak edonora eramateko aukera ematen baitigu.

Azkenik, hezkuntza arloan duen eraginari erreparatzen badiogu, eskoletan jada txertatuta dagoela ikus dezakegu. Teknologia gure bizitzan ezinbestekoa bihurtu den ehinean, eskoletan ondo erabiltzeko gaitasuna irakatsi behar digute, gure gizarteak eskatzen digun etapa berriari aurre egiteko.

Horregatik guztiagatik, teknologiak gure bizitza eraldatu duela esan dezakegu eta ondorioz, gure komunikatzeko era ere aldatu egin da. 

Web 2.0ren eraginak alde batera utzita, blog-a garatzen jarraitu dugu. Sarrerak nola egiten eta argazki, bideo zein link-ak nola txertatu ikasi dugu gaurkoan. 

Horrez gain, taldeak sortu ditugu aurrerago egingo dugun proiektuan lan egiteko. Horretarako, rolen banaketaren eta lankidetzaren garrantzia aztertu eta hausnarketa egin dugu guztion artean, guztiok guztiongandik ikas ditzagun. 

Klasearekin amaitzeko, google-eko aplikazio berri bat ezagutu dugu: Sites. Taldearen leku birtuala izango da hau eta proiektua sarean bertan egiteko aukera emango digu. Beraz bukatzeko, talde bakoitzak bere "sites" delakoa sortu du.

2014ko azaroaren 19a

Identitate digitala eta blogen erabilera didaktikoa

Gaurko egunean identitate digitalari buruzko gaiari buruz hitz egiten ibili gara. Hasteko, gaitasun digitalak identifikatu ditugu eta Internet nola erabiltzen dugun eta bertara zenbat sarrera ditugun bertara aztertu ditugu. Horri buruzko hainbat galdera erantzun eta gero, identitate digitalaren inguruko bideoak ikusi ditugu, bere esanahia argi gera dadin. Taldeetan bideoak ikusi ondoren, horiei buruz hausnarketa egin dugu.

Gero, identitate digitala alde batera utzita, Blog-ari buruzko gauza gehiago ikasi ditugu. Lehenengo ta behin, vimeotik bideoak nola sartu deskubritu dugu, HTML formatua erabiliz. Gero, “Feed” izeneko gadget-a zer den ikasi dugu eta, horren froga egiteko Hezkuntza Saileko berrien zerrenda txertatu dugu gure blog-ean. Bitxikeria berriekin bukatzeko, “Creative Commons” delako gadget-a txertatu dugu gure blog-ean pribatutasuna mantentzeko.

Gaurko egunari amaiera emateko, blog-ak dituen erabilera didaktiko ezberdinak aztertu ditugu taldeka eta gainera, horren aurkezpen txiki bat egin genuen. Blog-en ezaugarrien artean, motak, onurak eta erabileraren arrazoiak azaldu genituen.

Beraz, gaurko eguna oso neketsua izan dela ziurtatu daiteke!

2014ko azaroaren 26a

IKTak haur hezkuntzan txertatzen

Gaurkoan, IKTak hezkuntzan nola txertatu behar diren eta hauek daukaten garrantziaz hitz egin dugu. IKTak gaur egungo komunikatzeko tresna erabilgarrienak dira eta eskolan erabiltzen jakitea oso beharrezkoa suertatzen ari da, baliabide zein gaitasun moduan. Gainera, eragin ezberdinak dituzte IKTak eskoletan, hala nola: rolak aldatzea. Lehen ez bezala, orain irakaslea ez da jakintzaren igorle, izan ere, informazioa beste bide batzuetatik jasotzen dute. Horregatik, irakaslea informazio horren moderatzailea bihurtu da eta ez iturria. Horretaz gai, aipatu beharra dago ikasleek jasotzen duten ezagutza hori eraiki ahal izateko guztiok parte hartu behar dugula.

IKT-en bidez ikasleek hezteko aukera berri bat dute. Horregatik, IKT-ak curriculumeko zeharkako elementu edo gaitasuna bihurtu dira, beste arloak hauen bidez landuz. Argi izan behar dugu metodo hau ez dela ikasketa prozesuaren oinarria, baizik eta horren laguntza. Beraz, IKTak metodologiaren laguntza da eta ez berrikuntza.  

Honen guztiaren hausnarketa egin eta gero, talde proiektua aurrera eraman ahal izateko, gaitasun digitalari buruzko ezaugarri ezberdinak azaldu digute bide bat oinarri izanda. Eta horrela, dimentsio ezberdinak ezagutzeko aukerak izan ditugu.

Gaurko egunari amaiera emateko, Sites-en sortutako talde orriaren bidez proiektuari hasiera eman diogu. Drive-n sortutako dokumentuak bertan txertatu ditugu. Horretaz aparte, delicious kontua sortu berri dugu, interesgarriak diren link-en zerrenda irakurterraza izateko.

2014ko abenduaren 3a

IKTak haur hezkuntzan: proiektuaren garapena

Azken aurreko asteazken honetan, lanari amaiera ematen saiatu gara. Hasteko, aurreko egunetan zehar egindako informazio bilketan aurkitutakoari buruz hitz egin dugu, interesgarria eta baliagarria den informazioa aukeratuz. Gero, informazio hori gela aurrean aurkeztu behar izan dugu eta, irakasleak zoriz hautatutako taldekidea atera da aukeratutako informazio horren azalpena ematera. Gaurkoan ni izan naiz!

Aurkezpen txikia eta gero, taldeka batu gara eta proiektuan lanean jarraitu dugu. Sites-en hirugarren ematekoa amaitu behar genuen eta bukatu ahal izateko, egoera berdefinitu behar izan dugu. Gero, taldekideak binaka bananduz, emateko honen atal ezberdinak egin ditugu (informazio ezberdinak sites-en erantsiz).

Egoeraren azterketa, helburua, nola landu, zein baliabide erabili eta nola izango da gure proiektua zehaztu dugu gaurkoan eta, informazio guzti hau taldearen sites orrialdean erantsi dugu, guztion artean partekatu eta gero. Horrela, proiektua aurkezteko orduan askoz errazagoa izango zaigu.

Bukatzeko, Aurkezpenaren diseinua egiten hasi gara, bakoitzak egindako zatiari buruzko garrantzitsuena ateraz. Gainera, blog-a sortu dute gutako batzuek gure aurkezpenean erakutsi ahal izateko; izan ere, hori proiektuaren zatirik garrantzitsuena da.

Gaurkoa ere lan eraginkorra izan da, erabaki askorekin.

2014ko abenduaren 10a

Proiektuaren diseinu finala

Azken egun honetan lan eta lan ibili gara. Lanaren azken diseinua eta aurkezpena prest egon behar ziren gaurko eta horrek, urduritasuna eragin du taldean. Lehenengo eta behin pasa den astean egindakoa birpasatu dugu eta aurkezpena prestatzen hasi gara. Gaurkoan ez geneukan denbora asko beraz, binaka banatu gara berriro eta binaka egin ditugu gure aurkezpenean azalduko genituen diapositibak.

“Powtoon” delako metodoa erabili dugu gure aurkezpena osatzeko, izan ere, diapositibak egiteko aplikazio honek hainbat animazio ezberdin eta bitxiak eskaintzen ditu. Gainera, originaltasuna bilatzen dugunez gure aurkezpenean, erreminta ona dela iruditu zaigu. Behin bakoitzak aipatu beharrekoa idatzi duenean, talde guztia elkartu gara aurkezpenari forma egokia emateko, guztion adostasuna bilatuz.

Diseinu finala behin edukita eta nola aurkeztu diseinu hori jakinda, bakarrik gela aurrean aurkeztea geratzen zaigu. Horrela, bai ikaskidean nola irakaslea gure proiektuaren berri izango dute.

Azkenean, bigarren taldea bezala, gure aurkezpena egin dugu. Ongia atera dela esan dezaket eta talde lanarekin oso gustura egon naiz.